News in Telugu

13 ఏళ్ళ దళిత బాలిక 'దేవదాసీ' కావడానికి కొద్ది సమయానికి ముందు చెన్నయ్ అధికారులు జోక్యం చేసుకుని ఆ ఉచ్చు నుంచి బయట పడేశారు. తమిళనాడు గ్రామాల్లో అంటరానితనం, దేవదాసీ వ్యవస్థ లేనే లేదని ప్రభుత్వ వర్గాలు చెబుతున్నప్పటికీ ఇవి జరుగుతూనే ఉన్నాయి. విల్లుపురం జిల్లాలోని గ్రామంలో కృష్ణవేణి అనే ఈ 13 ఏళ్ళ దళిత బాలిక ప్రభుత్వ పాఠశాలలో ఎనిమిదవ తరగతి చదువుతోంది. గ్రామంలోని ఆలయంలో తండ్రి, గ్రామపెద్ద, పూజారి సమక్షంలో దేవదాసిని చేస్తున్న సమాచారం అందుకున్న వెంటనే అధికారులతో పాటు అక్కడకు చేరుకున్న పోలీసులు ఈ ముగ్గురినీ అరెస్టు చేశారు. ఈ కుటుంబంలో మూడు తరాలుగా దేవదాసీ తంతు జరుగుతున్నట్లు తెలియవచ్చింది. గ్రామాల్లో ఇప్పటికీ ఈ ఆచారం వుందా అనే కోణం నుంచి పోలీసులు దర్యాప్తు జరుపుతున్నారు.